மீண்டும் தொலைவேனா?!
எனை தேடும் பணி தொடங்கவே உனை அடைந்தது என் கண்கள் ஒளியிழந்த இரவுகளின் கனவானாய் விடியல் காண விட்டுப்போனால் தொலைந்து போவேனோ மீண்டும்? எண்ணங்களுக்கு தடைபோட்டாலும் கண்களுக்கு தாழ் போடமுடியுமா? மூச்சுமுட்டும் நெருக்கம் சொப்பனம் ஆயினும் - பார்வைபடும் தூரம் இங்கு சொர்க்கம் காட்டிலும் புனிதமே! மனதை கொள்ளை கொண்ட அந்த மௌனம் - அதை கலைத்து அன்பு ராகம் பாட பேராசை கொண்டாலும் வார்த்தைகள் வற்றிப்போக - இந்த ஊமை உன்வசமானதேனோ? உன்னில் நானும் - என்னில் நீயும் தொலைந்துவிட மெல்ல மெல்ல மனமும் ஏங்குதே உன் சிறு பார்வைக்கு!