மீண்டும் தொலைவேனா?!

-


எனை தேடும் பணி தொடங்கவே 

உனை அடைந்தது என் கண்கள் 

ஒளியிழந்த இரவுகளின் கனவானாய் 

விடியல் காண விட்டுப்போனால் 

தொலைந்து போவேனோ மீண்டும்?


எண்ணங்களுக்கு தடைபோட்டாலும் 

கண்களுக்கு தாழ் போடமுடியுமா?

மூச்சுமுட்டும் நெருக்கம் சொப்பனம் 

ஆயினும் - பார்வைபடும் தூரம் 

இங்கு சொர்க்கம் காட்டிலும் புனிதமே!



மனதை கொள்ளை கொண்ட அந்த 

மௌனம் - அதை கலைத்து அன்பு ராகம்

பாட பேராசை கொண்டாலும் 

வார்த்தைகள் வற்றிப்போக - இந்த 

ஊமை உன்வசமானதேனோ? 

 

உன்னில் நானும் - என்னில் 

நீயும் தொலைந்துவிட  

மெல்ல மெல்ல மனமும் 

ஏங்குதே உன் சிறு பார்வைக்கு! 


Comments

Post a Comment

Popular posts from this blog

அவன் அருகே...

-
Image
கண்ணாடி என் முகம் காட்டும்  வேளையிலும் - மனக்கண்ணாடி  காட்டும் உன் முகம்  கண்டு நெகிழ்கின்றேன் - மூழ்கின்றேன்  என் மனக்கடலில்  நீ குதித்தவுடன்.  உலகம் மறந்து உன்னுள்  உறைய தவிக்கின்றேன் - ஊஞ்சலாடுகின்றேன் உன் நினைவென்னும்  தென்றலில்.  புயலென உன் பார்வை  என்னை தாக்கவே  உன் விழி காண - வழி  தேடுகின்றேன்.  மரணம் காட்டிலும்  கொடிய உன் கோபம்  தரும் வழியில்  துடிக்கின்றேன்.  சில தருணங்களில் இளகாத  உன் மனத்தால் மெழுகாய்  உருகிப்போகின்றேன்  ஆனாலும் அந்த இருளும் அவன் அருகே பௌர்ணமியே...
Read more

எப்போது?

-
Image
தொலைதூரம் இன்றி  துயர் தருவதே உன் மௌனம் உன்னால் தவிர்க்கப்பட்டு  மனம் பதைத்து  உயிர் தவிக்கிறது  பேச்சொலி கேட்கவே   மனம் அடம்பிடிக்க  காலத்தின் கோலமிது  ஒருநாள் கைகூடுமென  வலி சுமக்கிறேன்  கனவில்லா இரவுகளும்  உண்டு - உன் நினைவில்லா  நொடியும் உண்டோ??? - வேண்டும் என்று வேண்டாத தெய்வமில்லை இருப்பினும் வேண்டாமல் போனதேனோ???  விரல் தொடுகையில்  நாணம் நடுநிலை காண  கை கோர்த்து  இதழ் அணைத்து கதை பேச காத்திருக்கையில் காதலும் பெருகுதே!  
Read more

வீரம் விளையாதோ!

-
Image
கடுஞ்சொல் கேட்டு தலை தாழ்த்தாமல் நிமிராயோ! முடியா தருணமதில் ஓட்டம் தவறில்லை - துரத்துவது நீயானால்.   அடங்க போவது இல்லை - காரணம் அடங்கி போனதே இல்லை அன்பு கொண்டு அகிலம் அணைத்தது போதும் என்று தவிக்கையில்  கட்டிப்போட்ட கரங்களோ தன் கட்டவிழ்த்தெறிகையில் கத்தியை அணைக்கும்.   ஆர்ப்பரிக்கும் ஆழ் கடல் நான் என்னுள் கலந்திட வரும் ஆற்றுநீர் நீயென எண்ணி - நிகரிலான் உனை புன்னகை கொண்டு அனுமதிப்பேன்.   நீ விதைத்ததே உன் நிலத்தில் விளையும் - ஆனால் நெல் விளையும் என் மண்ணில் சேர்ந்தே விளைந்ததாம் வீரம் - அது கொண்டு உயருவோம் ஓரிரு படி!
Read more